اهلا و سهلا بك وبقلمك

و مرحبا بحبرك على اوراق صفحاتنا

نتمنى انضمامك معنا و قضاء اوقاتا جميله و ممتعه..




/


 

الرئيسيةالبوابةاليوميةمكتبة الصورس .و .جالتسجيلدخول

شاطر | 
 

 المايوه +18

اذهب الى الأسفل 
كاتب الموضوعرسالة
حظ عيني
( مشرف )
( مشرف )


عدد المساهمات 463
تاريخ التسجيل 31/03/2012

مُساهمةموضوع: المايوه +18    الثلاثاء أبريل 24, 2012 10:52 pm


الله وأكبر يا زمانا مضالي أجني زهور الورد والقلب مرتاح</B>


تعرفت على زكرت (شله على قلب واحد)يوميا نجتمع تحت لمبة الشارع(قطاوه)</B>
مايمر هندي الا ويجيه كف وشوته والباكستاني (قوي)نخاف منه ونرجمه بحصى والزيود نحارشهم واذا مرو وجيه والا أشوام نحقق معهم (ونسوي عليهم حركات أباحيه) والبزارين ناخذ الريالات والحلاو منهم ونصيحهم واذا مر قطو سفينا عليه الزبيرات (نعال) واذا وقع عصفور يطلع صديقي درويش(عربجي وجلف)النبيطه ويصيده ويشويه ويأكله .مافيه رحمه ولا ذرة احساس ولا مشاعر ولا احد يطلع سليم كنك مار مثلث برمودا.</B>
اشتكونا شيبان الحاره لأمام المسجد وبلغ الهيئه ,داهمونا الهيئه وخذ ياركب وتبقيس وتصفيق ووقعونا على تعهدات وحلقونا صلعه (موس) صرنا كننا مهابيل اوقف قدام خويي كني واقف قدام مرايه نفرق بعض بالحواجب .</B>
الوكر</B>
انكسرت عيونا ومالنا وجهه نشوف احد ولا نقدر نجتمع في البيوت لاننا كل مانجتمع يجي ابو اللي جالسين عنده يهاوشنا ويطقنا بالعقال ويطردنا وحنا ماسوينا شي مهب زي عيال الحين الشغاله رايحه جايه بالكيك والفطاير(s) والحلا والعشاء.</B>
اقترحت عليهم نبدأ نجتمع في خرابه على شارعين جنوبيه شرقيه (ماتذبحك الشمس) مساحتها 750 م ارتداد البناء عن الشارع سته متر (اللي يمر مايسمع سوالفنا) دور ونص العظم ما اكتمل .سوينا تصويت (ديمقراطيه) الاغلبيه وافقو على انها تكون مقرنا الجديد.</B>


دخلنا ونضفنا وضبطنا الوجار كله مرابيع عماير وجرايد وعسبان وسعف وأثل وجريد نخل.</B>
وكل واحد جاب اللي يقدر عليه اللي جاب زوليه خوص واللي جاب مساند تبن (غنم) واللي جاب بريق واللي جاب سكين خضرة ,وبوعره نقز لبيتهم راح يجيب سراج ولا تريك رجع يده معضوضه ولاف يده بشاش وحاط تنتريون قلتله وشذا الكلب اللي عاضك قال احترم نفسك هذي امي .ودرويش جايب كلونيا (يعطيها)</B>
صلحنا شاهي لونه ازرق من نارالمرابيع والجرايد وقعدنا ندخن اللي يدخن باقي الزقاير اللي في الشارع واللي يدخن غصن عنب ميبس واللي يدخن ورق سمنت (حقيرين).</B>
اقترح واحد من الزكرت نطب نسبح في الفله اللي جنبنا راعيها يداوم في جده ولا يجي الا مرتين في الشهر,راقبنا الفله يومين والوضع تمام ,طب درويش (وهو معطيها) وفتح الباب نضفنا المسبح وشغلنا الدينمو خلينا المسبح يمتلي مويه ويبيله وقت .تواعدنا من بكره العصر ورحت شريتلي مايوه اسود لماع ومن جوى كلسيون ابيض بعشر تريل .</B>
SHOW TIME</B>
يوم الخميس العصر مريت الاحباب اللي على وضح النقا صادقوني </B>
ناديت واستنظرت من البيت للباب جاني خبر مرسولهم خبروني</B>
اكتمل العدد في الخرابه القيت عليهم كلمه ترحيبيه وقرقور وزع علينا اقط (بقل)جايبه ابوه من الزلفي و بوعره جاب غضاره (طاسه) مليانه مويه من برادة المسجد كل واحد اخذ جغمتين وعطى الثاني (زقاره حشيش)الا درويش ماشرب لانه (معطيها) .اتفقنا على :-</B>
1-ندخل واحد واحد والثاني يحمي ظهر الاول .2-كل ربع ساعه واحد يمسك خفاره على الفله يراقب الوضع ما عدا درويش لانه(معطيها).</B>
3-يمنع منعأ باتا اي واحد يطير الشراب في المسبح . انتها غداء العمل .</B>
دخلنا حسب الخطه انا نصيت نخله واطلع المايوه من مخباتي وافسخ سروال ابو ربجزه واللبس المايوه واعلق قميصي الكاروهات على جذع النخله الظاهر انه (ماركة بربري) واطلع جسمي الرشيق وارفع يديني فوق اوريهم الشعر اللي في اباطي (توني بالغ)يوم قالو العيال احلى واللي يصارخ واللي يصفق واللي يصفر استحيت واتمايل واطب صاروخ في المويه .</B>
نسبح كلنا في جهه ودرويش (معطيها) كنه سمك قرش يسبح في جهه ومزحه ثقيل يا يغرقك ولا يفسخ سروالك . وحنا اللي يغوص واللي يرقى النخله ويطب واللي يطلق غازات طبيعيه </B>(تشوف فقاقيع في المويه) ولا تخلو هذي الاجواء من الآلفاظ السوقيه .</B>
خلصنا سباحه ولبسنا وكلن ضف اغراضه وفي غفله من الخفير دخل علينا راعي البيت ومافيه الا طردي وماتسمع الا وقف ياكلب وقف ياحيوان ودرويش (فكت) ويركض طلعو الزكرت كل واحد من باب (كنك تشوف برنامج الحصن الدهليز) وقرقور زلق ومسكه راعي البيت .</B>
ليلة هروب</B>
انا طلعت حافي وبدون ما التفت ( احس راعي البيت وراي)اخذتلي لفتين على الرياض أيام ماكانت اللياقه صح (اللعب ظهير ايمن ومعجب بعبدالرحمن التخيفي)ومن حي لحي ومن حاره لحاره هديت شوي شفت شغاله فلبينيه تكب الزباله (كحلت عيني) تعديتها وبدت رجولي تصب دم وقيح ولساني نزل على برطمي من التعب كملت , بعدين اسرعت بزارين رجموني واسمعم يقولون (السعلو).</B>
ماردني الا سوق الخضره حسيت بالامان واروح للمسجد واغسل واداوي جروحي واسرق نعال حارس المسجد وامر من المباسط اللي يعطيني مويه في كاس ستيل فيه سلسه واللي يعطيني خيار والثاني يعطيني جزر (حصان) اكلتهم ورجعت للحاره .
قمة التوهان</B>
رحت للخرابه لقيت قطو وقطوه ماادري وش يسون شكلهم بيلعبون (عروسه وعريس)رحت للبيت دخلت غرفتي ماجاني نوم من الوساويس كل شوي اقول بتجي النجده وتاخذني ( الشرطه نسميها اول نجده ايام الفلفو) نادتني أمي برطم ياحمار القايله (اسمي في البيت) الغدا قلت ما ابي ولا تعشيت ولا اطلع.</B>
استغربوا امي وجدتي (جدتي تشبه رقيه اللي في طاش نفس اللوك والكلام والملابس) من بكره الصباح ويدخلون علي فطور ناقصه مورتدلا وقريب فروت واومليت ويصير فطور الفورسيزون ولا اكلت , اذن الظهر شلقولي جح وجراوه (شمام ) مسكت الجحه ورجعتها وقلت شيلوه </B>
جاء الغدا صلحتلي جدتي (رقيه)مرقوق بالقفر (القفر لحم مملح ويعلق على حبل الغسيل شهر لين يجف وغالبا مايعلق في المستودع) اكلت القفر مجامله ولاني احب اللحم .</B>
راحت امي ودقت على خالي مدرس اجتماعيات (تاريخ وجغرافيا) فاهم واصدقاه اغلبهم مطاوعه قالت ماادري وش فيه وليدي جنيني العطي المياس السامر(ايه هين).</B>
جاء طاير ببيوك ازرق تنده بيضاء فاكه وكاله وارد الجميح ومعه الكره الأرضية قال خلونا لحالنا </B>
دخل علي وانا مسوي نايم وجلس جنبي وهو متلطم ( اخر مره تروشت فيها في المسبح) من له نفس اصلا يتروش وحط يده على قلبي يشوف كاني حي ومسك يدي ويده الثانيه على جبهتي يشيك على حرارتي (موتر) فتحت وقلتله وش فيك ارتاع وقعد يقرى علي وهو متلطم (على الصامت) وكل شوي يفك اللطمه يتفل ويرجع يتلطم خلص وقالي لا باس طيب انشالله .</B>
وطلع وراح جاب مويه مقري فيها وقال ل أمي برطم يامنظول يا فيه المراره اذا جاء بكره ولا طاب بوديه لصمعاني يجسويه=يكويه . </B>
شوي الا وجدتي(رقيه) طلعت البلاوي اللي عندها حلبه ورشاد وحلتيته (ولاده) وديرم ولبان ؟؟ شلت هم الصمعاني وقلت لازم اشوفلي حل مانيب ناقص تشويه .</B>
لحظة فرح</B>
بعد ما انتهى تشخيص حالتي طلعت رحت للخرابه ولمبه الشارع والحاره الثانيه (دايم نباريهم) ومريت بيوت الزكرت والبقاله والبوفيه ومفوله والقى واحد اسمه عوض بلونه طالب 1 فول 1 قلابه 1عدس 1 كمونيه1كبده 1شكشوكه 1بيض 1مقلقل2مطبق ومقبلات بصل وليمون وجرجير وحبحر وعلف,والحلى معصوب .طالب المنيو كله حتى ان راعي المفوله حاطله طاولتين على شكل حرف L وبارتيشن (شينكو)علشان ياخذ راحته .</B>
قلتله عوض ماشفت احد من العيال قالي روح, روح ياهادم اللذات , قلتله على طاري الملذات ليه ماتطلب ببسي ولا شاهي قالي خذ هذي النصيحه ,لا تشرب وانت تاكل ترى تكرش . تشكرت من عوض على النصيحه وتركته يكمل عشاه العائلي .</B>
لقيت اخو قرقور جاي بيشتري خبز توني جاي بساله تكلم وقال مادريت العيال امسكو في الفله وقرقور علم على كل العيال قلتله انا معهم ولا جاني احد قال ان قرقور يقول انك طلعت قبل لا يجي راعي البيت(ملحس) وانهم جابو وايت سحبوا المويه وتعهدوا انهم يسددون فاتوره المويه والكهرب (انتهت المشكله).</B>
رحت البيت وتروشت بعدين رحت المطبخ وسخنت المرقوق وطلعت الجح والجراوه من الثلاجه وانا اتعشى تجي امي وتمدلي 100 ريال (قمة السعاده) طلعت ورجعت البيت بعد 3 ايام من الفسقه.</B>
مايستفاد من الموضوع</B>
1-كرهت السباحه .</B>
2-لا تحلم بشي مهو لك وخلك قنوع.</B>
3-الناس اول على نياتهم وبسيطين ويتسامحون .</B>
4-اخر مره سبحت في استراحه بثوبي ولا رحت للغويط ناقصني ميوه اسلامي وطاقيه(واقي)شعر واصير كني أم بزارين .</B>
5- القصه واقعيه وراح عليها اكثر من 20 سنه .</B>
مع تحيات</B>
د/برطم نملة</B>
د= دبلوم حاسب</B>
الرجوع الى أعلى الصفحة اذهب الى الأسفل
ĸfαyα αωнαм
عــــــضو
عــــــضو
avatar

عدد المساهمات 282
تاريخ التسجيل 31/03/2012

مُساهمةموضوع: رد: المايوه +18    السبت مايو 12, 2012 9:00 pm

هههههههههههههههههاااااي .. يعطيك الف عافيه
الرجوع الى أعلى الصفحة اذهب الى الأسفل
????
زائر



مُساهمةموضوع: رد: المايوه +18    الخميس يونيو 21, 2012 8:03 am

يعطيك الف عافيه
الرجوع الى أعلى الصفحة اذهب الى الأسفل
 
المايوه +18
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ‎ ♥ أقســآم مجد العامة ♥ :: ♥ مــجد العـــام ♥-
انتقل الى: